Bravo “Skenderbeu” ynë, ia tregove “dhëmbët” Europës!

Kryeministri Rama ka folur për agjensinë franceze të lajmeve, AFP. I pyetur ndër të tjera edhe për moshapjen e negociatave me BE, Edi Rama ka folur prerë, tamam si Udhëheqës. Ai ka thënë: “Vendi (Shqipëria) nuk mund të vazhdojë të jetojë me këtë ankth të pritjes për diçka që nuk është në duart tona. Ne nuk do të qëndrojmë te dera e Europës dhe të qajmë”.

Pra Edi Rama ose “Skenderbeu ynë”, siç e ka cilësuar Elisa Spiropali, u ka treguar “dhëmbët” të huajve. Ndonëse parlamenti gjerman ka vendosur 9 kushte qeverisë shqiptare për ti plotësuar para se të ridiskutohen negociatat, përsëri kryeministri deklaron se “ne jemi gati, por nuk është Europa!”.

Dhe kërcënon BE se “Ne nuk do të qëndrojmë te dera e Europës dhe të qajmë”!

Dhe në fund të shkurtit kryeministri Rama niset drejt Moskës për të takuar Presidentin rus, Putin.