Erion Veliaj vazhdon vizitën zyrtare në Kanada (video)
Kryesore E Mërkurë, 11 Tetor 2023 17:14
“Me komunitetin shqiptar në Toronto, Kanada, të cilët janë shembull suksesi për të gjithë, që na bëjnë krenarë me çfarë kanë arritur në diasporë. Faleminderit për mikpritjen tuaj të ngrohtë dhe ju uroj vetëm mbarësi”,-shkruan Erion Veliaj.
Ndërkohë po sot paradite ai ka postuar takimet e tij në Otava.
“I lumtur që në ditën e parë të vizitës në Kanada, i shtrëngova dorën plot shqiptarëveqë jetojnë dhe punojnë prej vitesh në Otava. Jam shumë krenar për komunitetin tonë këtu, të cilët bashkë me Ambasadorin Ermal Muça janë një super skuadër që promovon vlerat, artin dhe kulturën shqiptare. Takimi me kryetarin e Bashkisë së Otavës, Mark Sutcliffe, ishte po ashtu një kënaqësi e veçantë, sepse biseduam se si mund të bashkëpunojmë dhe forcojmë më shumë lidhjet mes dy kryeqyteteve”,-shkruan kryebashkiaku i Tiranës.
Erion Veliaj në ditën e parë u prit nga kryebashkiaki Otavës, Mark Sutcliffe.
“Nisa një vizitë dyditore në Otava, Kanada, ku u takova me komunitetin e mrekullueshëm shqiptar, por edhe mora pjesë në çeljen e ekspozitës “Diplomart”, e realizuar nga artistët e talentuar Entela Konomi, Kastriot Dervishi dhe Altin Muciqi.
Më vjen mirë që ambasada shqiptare këtu ka hapur dyert edhe për promovimin e punëve të artistëve tanë”- shkroi Erion Veliaj në ditën e parë të nisjes së vizitës zyrtare në Kanada.
