Gjermania “pushtohet” nga dimri në gusht. E pabesueshme, por një qytet u mbulua nga 30 cm breshër

Ndërkohë që Shqipëria dhe një pjesë e Ballkanit janë përfshirë nga reshje shiu, Gjermania po përjeton dimër në mes të verës. Qyteti Reutlingen në Gjermani është përfshirë nga një stuhi e pazakontë bore.

Për shkak të shiut dhe breshërit, në Reutlingen dukej si dimër në mes të verës. Breshëri, një deri në dy centimetra në madhësi, gjithashtu bllokoi kanalizimet dhe rrugët u përmbytën. Sipas mediave gjermane, shtresa e breshrit në qendër të qytetit ishte 30 centimetra e lartë.

Diametri i një kokrre bresheri ishte 12 cm, praktikisht gurë nga qielli!

Për të pastruar rrugët e qytetit dolën edhe borëpastrueset. Policia lëshoi një alarm rreziku, por deri më tani nuk raportohet për të lënduar apo aksidente rrugore.

Ja fotot e sotme (datë 5 gusht 2023)

Situata në Ballkan për motin:

Një stuhi me breshër e ka goditur Beogradin pasditen e 5 gushtit, duke bërë që uji të rrjedhë nëpër rrugët qendrore të kryeqytetit serb.

Stuhia u shoqërua nga erëra të forta dhe shi, si dhe nga një rënie e madhe në temperatura.

Instituti Hidrometeorologjik i Serbisë (IHS) njoftoi më herët se moti në Serbi do të jetë shumë i paqëndrueshëm, me shi, rrebeshe të mëdha, bubullima dhe kohë pas kohe breshër, posaçërisht pasdite dhe në mbrëmje.

IHS pret që temperaturat të bien për rreth pesë deri në tetë gradë. Temperatura aktuale në shumicën e vendeve në Serbi është mes 26 dhe 32 gradë Celsius, sipas IHS.

Ministria e Brendshme e Serbisë (MBS) njoftoi të premten, 4 gusht, se i ka ndërmarrë të gjitha masat e nevojshme, në mënyrë që të reagojë ndaj pasojave të shirave të mëdha, si dhe për t’i mbrojtur popullin dhe pronat.

Stuhia në Serbi mbërriti nga Evropa veriore, e cila më herët i dëmtoi vendet e tjera si Slloveninë dhe Kroacinë, ku pritet një rritje e madhe e nivelit të ujit në lumenjtë Mura, pritet të rritet. Alarmi për motin e lig është aktivizuar edhe në Bosnja e Hercegovinë.

Më së keqi është goditur Sllovenia. Shiu i madh që ra gjatë natës së 4 gushtit dhe mëngjesit së 5 gushtit në provincat e Sllovenisë, Gorenjska dhe Karinthia, shkaktoi vërshime. Niveli i ujit në lumenjtë e Sllovenisë jugore, të cilat kanë dalë nga shtrati në disa vende, janë në rritje, dhe si pasojë shumë rrugë mbesin të mbyllura.

Agjencia e Mjedisit të Sllovenisë, ARSO, rriti alarmin në nivelin më të lartë pas shirave të rrëmbyeshme që kanë goditur më së keqi pjesë veriore, veriperëndimore dhe qendrore të shtetit shkruan REL.

Policia sllovene tha për agjencinë e lajmeve STA se tre persona kanë vdekur që kur shteti u godit nga stuhitë e shiut të enjten mbrëma. Një sllovene vdiq në qytetin Kamnik, ndërkaq dy shtetas holandez vdiqën në një zonë malore afër qytetit Kranj.

“Vdekja në Kamnik mund të jetë shkaktuar nga vërshimet, ndërkaq vdekjet në mal mund të jenë shkaktuar nga vetëtimat. Megjithatë, rrethanat e vdekjeve janë duke u hetuar”, tha zyrtarja policore, Maja Adleshiq Ciperle.

Ushtria e shtetit është angazhuar në ndihëm e qytetarëve pas motit të lig.