Manjani: Rama, Shqipërinë e bën qendër azili për ISIS e për refugjatë afrikanë!
Ish-ministri i Drejtësisë, Ylli Manjani ka reaguar përmes një statusi në facebook duke akuzuar kryeministrin Edi Rama se po detyron shqiptarët të kërkojnë azil në Europë.
Sipas Manjanit, Rama po e bën Shqipërinë qendër azili për ISIS e për refugjatë afrikanë, dhe po ashtu në vendin tonë po përgatitet të digjen mbetje të Europës.
“Këtë politikë anti-komb e anti-shtet, vetëm qeveria e Rilindjes e bën”, shkruan Manjani.
Postimi i Ylli Manjanit:
Nuk është më çështje e sigurisë, por e ekzistencës sonë.
Shqiptarët i degdis nëpër Europë duke kërkuar azil!
Shqipërinë e bën qendër azili për ISIS e për refugjatë afrikanë!
Në territorin e Shqipërisë po përgatitet të digjen mbetje gjithfarësh të Europës. Së shpejti tre incenerarorë do jenë me “gojë hapur” në pritje të mbetjeve europiane!!!
Ndërkohë droga vazhdon pa ndalim! Në Europë gjithnjë e më shumë po na identifikojnë të gjithëve ne (me apo pa faj) si trafikantë e kriminelë!
Në politikën Europiane nuk konsiderohemi asgjë më shumë sesa një territor ku mund të depozitohen mbetje dhe emigrantë gjithfarësh.
Nuk mundet që një qeveri normale tja bëjë këtë gjëmë popullit dhe territorit të vet!
Nuk mundet që një qeveri normale të bëjë të pabanueshëm territorin e shtetit të vet!
Këtë politikë anti-komb e anti-shtet, vetëm qeveria e Rilindjes e bën!
Kjo është e papranueshme!
