Spartak Ngjela: Si ka mundësi që Komiteti i KÇK ka në varësi kryeprokurorin dhe shefin e SPAK

Në debatin e fortë në Top Channel te “Open” i Eni Vasilit pati momente tensioni përplasje mes zv/ministrit të brendshëm dhe avokat Spartak Ngjelës.

Ngjela theksoi se kryeministri e ka në kundërshtim me Kushtetutën ligjin antiKÇK dhe po merr kompetencat e SPAK për ta futur nën kontroll. Kryeministri po e bën për të ruajtur veten dhe ministrat këtë ligj, insistoi Ngjela.

Ngjela theksoi se me këtë ligj antiKÇK ka një komitet drejtues ku ministri i brendshëm Sandër LLeshi është drejtues i tij dhe anëtar vartës me këtë ligj janë prokurori i përgjithshëm si dhe drejtuesin e SPAK.

Pra ministri ka nën varësi në këtë rast SPAK-un, kur duhej të ishte ndryshe që prokurorët e SPAK hetojnë drejtuesit e shtetit dhe ministrin.

Po kështu sipas këtij ligji, avokat Ngjela shtoi se prona sekuestrohet jo në seancë normale gjyqësore, por në dhomë këshillimi. Ndërsa Myslim Murrizi, nënkryetar i Kuvendit, theksoi se kur vetë qeveria ka miratuar një ligj për Vettingun në Polici e kur vetë 7 veta nga policia janë kontrolluar, si mund të kemi besim te ky operacion policior, shtoi prapë Murrizi.

Ligji antiKÇK ka ngjallur reagime të forta edhe nga opozita jashtëparlamentare.