Testi i parë i SPAK-ut dështoi, dosjen e votave të vjedhura e kthyen prapë në Dibër

Të gjithë prisnin se SPAK-u do të bëjë namin që në fillim të punës. Edhe taktikisht, edhe si psikologji rritje morali për publikun, por edhe vetë prokurorët e SPAK thuhej se dosja e famshme nr.184, pra më saktë e vjedhjes së votave në Dibër, do të sillte arrestime VIP në politikë.

Kushdo të ishte, majtas apo djathtas, pritej të arrestohej. Por Prokuroria e Posaçme Antikorrupsion, SPAK, e ka rikthyer përsëri dosje e famshme 184 për hetim në prokurorinë e Dibrës.

Disa orë më parë, u njoftua se kjo dosje, që lidhet me zgjedhjet lokale të Dibrës në vitin 2017, ishte marrë nën hetim nga SPAK.  Drejtuesi i SPAK, Arben Kraja, mësohet se e ka rikthyer përsëri këtë dosje andej nga kishte ardhur, në Dibër.

Kjo është lojë fine që t’ja kalosh dikujt tjetër firmat për arrestime, porse këtu do jemi që prokuroria e Dibrës ose nuk do bëjë gjë, ose do ta nis prapë drejt SPAK dosjen në fjalë.

E kështu kjo dosje përvëluese dhe që mund të ulte edhe tensionet politike do ketë fatin e shumë dosjeve ndër vite.

SPAK-ut i erdhi shansi me këtë dosje të votave për të hyrë në histori duke arrestuar deputetë, ish-deputetë, ministra, ish-ministra, drejtorë dhe ish-drejtorë policie, si dhe një mori zyrtarësh e bandash kriminale të faktuara në vjedhjen e votave.

Atë dosje nuk ka Zot që e mbulon sepse publiku e di mirë se kush e bëri. Edhe gazeta gjermane BILD botoi disa pjesë, ku dolën emra nga mazhoranca.

Por SPAK-u e përcolli për Dibër me makinën e postës së drekës dosjen nr.184.

E humbi shansin SPAK-u për të filluar më pas dosje VIP.