Rikthehet “Die Fledermaus”, TKOB rikthen operetën e Johann Strauss

Teatri Kombëtar i Operas dhe Baletit rikthen në skenë operetën e Johann Strauss “Lakuriqi i natës”. Virtuoziteti, humori dhe loja e shkëlqyer e trupës do të pushtojnë Pallatin e Kongrese për tre netë.

“Lakuriqi i natës” është produksioni më i madh i Teatrit të Operas dhe Baletit për këtë vit, i cili do të rikthehet për publikun këtë fund tetori.

Valset, ariet, muzika e Johann Strauss dhe një kast i mrekullueshëm artistësh shqiptarë, janë elementë do të bëhen bashkë për të shpalosur vlerat e një vepre ikonë të muzikës klasike.

“Lakuriqi i natës” është rezultat i bashkëpunimit të Teatrit të Operas dhe Baletit me Ambasadën austriake në Tiranë, në kuadër të vitit kulturor Shqipëri-Austri 2018.

Në skenë krijohet një ndërthurje mes operas, baletit dhe teatrit skenik, ku dialogjet mes aktorëve interpretohen në gjuhën shqipe duke krijuar një atmosferë emocionuese.

Opereta mbresëlënëse e Johann Straus do të shfaqet në datat 22, 23 dhe 24 tetor, ku gjithçka premton për 3 netë të jashtëzakonshme.