Një shqiptar, i cili punonte si kuzhinier është arrestuar në Shtetet e Bashkuara të Amerikës, por ajo që ka habitur të gjithë ka të bëjë me akuzën.
Është e paqartë se çfarë e shkaktoi arrestimin e shqiptarit Aleks Gole, ndërsa agjentët e Emigracionit dhe Doganës së SHBA e dërguan kuzhinierin dhe ‘specialistin’ e përpunimit të mishit në paraburgim. Shqiptari jetonte në një apartament në Barrington dhe komuniteti është shprehur i habitur për mënyrën se si ai u arrestua.
Në një intervistë më herët për mediat amerikane, shqiptari ishte shprehur se kishte gjetur paqe dhe mundësi të mira pas largimit nga Shqipëria.
Sipas mediave, ai së fundmi kishte nisur të mësonte edhe kursin e gjuhës si një mënyrë për t’u integruar sa më parë në shoqërinë amerikane. Ai u shpreh se pavarësisht se prindërit i ka në Shqipëri, Amerikën e ka parë si vend të mundësive.
“Unë mendoj se gjëja më e rëndësishme që kam bërë në jetën time ishte shkolla. Unë jam personi i cili gjithnjë shikoj përpara. Nuk harroj kurrë se kush jam, kam prindërit e mi në Shqipëri dhe vëllezërit e motrat në Greqi, por nuk kam arsye të kthehem”, kështu kishte deklaruar më parë shqiptari.
Është ende e paqartë se çfarë e çoi në polici shqiptari, i cili ishte i rregullt dhe nuk kishte shkaktuar probleme në tokën amerikane.
Ai tregonte mes tjerash situatën e vështirë në të cilën kaloi Shqipëria, për sistemin komunist dhe izolimi nga bota perëndimore. Në rrëfimin e tij, i cili është transmetuar nga media amerikane, Aleksi tregon edhe mënyrën se si fëmijët shqiptarë mbanin armë gjatë vitit 1997 dhe rastet kur ata vriteshin nga pakujdesia. /BW