Pronari i hostelit u bën ofertën e paimagjinueshme pushuesve

Një pronar hosteli, i cili nuk po e duronte dot më ndotjen që i bëhej plazhit përballë tij, ka ‘shpikur’ një metodë pastrimi.

Marian Erbach me origjinë nga Gjermania, u ofron pushuesve një cigare me marijuanë nëse ata pastrojnë mbeturina nga plazhi aq sa të mbushin një kosh të vënë në dispozicion nga hosteli.

Erbach, i cili jeton në Xhamaika sqaroi se “spilff-i” jepet si formë dhurate, nuk shitet, pasi kjo do të ishte e paligjshme.

33-vjeçarit i erdhi në mend ideja pasi u mërzit nga plehrat, kryesisht plastike, që hidheshin në breg.

Kështu, ai bëri gati 65 cigare të cilat mbajnë secila nga me 56 gram marijuanë.

Ju mund të pyesni: pse kaq specifike? Sepse, sipas ligjit të Xhamajkës, mbajtja e një cigareje me 56 gram marijuanë nuk përbën shkelje dhe as nuk dënohet.

Më pak se 30 minuta pas ofertës, në Long Bay Beach në Xhamajka, personi i parë arriti në një kosh me plehra, të cilit më pas iu dha dhe ‘shpërblimi’.