Studimi: Covid-19 nuk kursen as fëmijët, cila grupmoshë është më e rrezikuar?

Sipas një studimi të fundit, fëmijët që preken nga koronavirusi mund të jenë më të rrezikuar të vuajnë nga komplikime të rënda ose vdekje, nga sa besohej më parë.

Studiuesit zbuluan se gati tre të katërtat e të gjithë fëmijëve të shtruar në spital në SHBA, kishin probleme me frymëmarrjen dhe gati 40 % e tyre u futën në ventilator.

Sidoqoftë, shkalla e vdekshmërisë ishte nën 5%, që është shumë më e ulët se niveli i të rriturve, që kanë nevojë për kujdes intensiv.

Gjetjet demonstrojnë se Covid-19 tashmë nuk është një sëmundje që kursen fëmijët, thanë autorët e studimit.

Për studimin, botuar në JAMA Pediatrics, ekipi mori 48 fëmijë dhe të rinj të rritur, duke filluar nga të sapolindurit deri në 21 vjeç.

Rezultatet treguan se vetëm 4.2 përqind e 48 fëmijëve vdiqën në krahasim me studimet e mëparshme që kanë raportuar shkalla e vdekshmërisë deri në 62 përqind në mesin e të rriturve.joq