Vazhdonte kosiste barin edhe pse në afërsi kishte tornado

Cecilia Wessels ka fotografuar tornadon që lëvizte pranë shtëpisë së saj në Alberta të Kanadasë, ndërsa burri saj vazhdonte të kosiste barin. Fotografia e postuar në rrjetin social, ka marrë vëmendjen e të gjithëve, për shkak se ai vazhdonte të punonte, pa u frikësuar prej erës së fuqishme. “Ishte një tornado gjigante, por të gjithë komentonin se si bashkëshorti im nuk hynte brenda”, ka shkruar Wessels lidhur me rastin. “Askush nuk e ndalon një kanadez në rregullimin e kopshtit, madje as ndryshimi i motit”, është një nga komentet që ka marrë më së shumti pëlqime. Por, duket se ai nuk është i vetmi, pasi edhe një burrë ka qëndruar indiferent ndaj një tornadoje që po i afrohej.