Në Shkodër pritet të nisë një nga projektet më të rëndësishme mjedisore dhe infrastrukturore të viteve të fundit: ndërtimi i Impiantit të Trajtimit të Ujërave të Përdorura të qytetit. Projekti financohet nga Bashkimi Evropian, Qeveria Gjermane dhe Qeveria Zvicerane, dhe po zbatohet përmes KfW.
Kreu i bashkisë së Shkodrës, Benet Beci thotë se projekti ndodhet tashmë në fazën e prokurimit të punimeve dhe përfshin disa ndërhyrje kryesore infrastrukturore. Ndër to janë ndërtimi i impiantit modern të trajtimit të ujërave, rehabilitimi i stacionit kryesor të pompimit, si dhe ndërtimi i linjës kryesore të transmetimit drejt impiantit.
Një komponent i rëndësishëm i projektit është edhe kalimi nëntokësor i tubacionit poshtë lumit Buna, i cili do të realizohet përmes teknologjisë së mikro-tunelimit, në përputhje me standardet dhe direktivat e Bashkimit Evropian për trajtimin e ujërave urbane.
Postimi i plotë
Me financim të miratuar nga Bashkimi Europian, Qeveria Gjermane dhe Qeveria Zvicerane, pritet të nisë një nga projektet më të rëndësishme mjedisore dhe infrastrukturore për Shkodrën ndër vite: ndërtimi i Impiantit të Trajtimit të Ujërave të Përdorura të qytetit.
Projekti, që po zbatohet nëpërmjet KfW dhe ndodhet tashmë në fazën e prokurimit të punimeve, përfshin ndërtimin e impiantit modern të trajtimit, rehabilitimin e stacionit kryesor të pompimit, ndërtimin e linjës kryesore të transmetimit drejt impiantit, si dhe kalimin nëntokësor të tubacionit poshtë lumit Buna përmes teknologjisë së mikro-tunelimit, në përputhje me standardet dhe direktivat e Bashkimit Europian për trajtimin e ujërave urbane.
Ky investim madhor synon të reduktojë ndjeshëm derdhjen e ujërave të ndotura të patrajtuara në Liqenin e Shkodrës, lumin Buna dhe lumin Drin, duke eleminuar nuar ngarkesat organike dhe kimike ne Liqen dhe ndikimin negativ në ekosistemet ujore të zonës.
Mbrojtja e Liqenit të Shkodrës dhe biodiversitetit të tij unik nuk është vetëm çështje mjedisi, por edhe një investim strategjik për cilësinë e jetës, zhvillimin ekonomik dhe të ardhmen turistike të qytetit dhe gjithë rajonit.
E mirëkuptoj dëshirën e deputetëve të rinj për të bërë lajm duke kritikuar fenomene negative se dhe çdo projekt apo çdo ndërhyrje publike. Është pjesë e politikës por do të ishte shumë më e dobishme që kjo energji të fokusohej tek problemet që ende nuk kanë marrë rrugën e zgjidhjes, dhe jo tek projekte madhore që janë financuar nga partnerët ndërkombëtarë, janë në proces konkret zbatimi dhe i shërbejnë interesit afatgjatë të Shkodrës dhe qytetarëve të saj.