
Studentë, qytetarë dhe aktivistë të shoqërisë civile janë mbledhur sërish përpara Ministrisë së Arsimit, duke vijuar protestën kundër qeverisë.
Situata është shoqëruar me tensione dhe debate mes protestuesve dhe forcave të policisë, të cilat kanë ndërhyrë për të parandaluar bllokimin e Rrugës së Durrësit.
Efektivët kanë krijuar një kordon policor, duke i shtyrë pjesëmarrësit të qëndrojnë në trotuar dhe duke mbajtur të lirë qarkullimin e automjeteve.
Protesta është pjesë e tubimeve që zhvillohen prej muajsh kundër qeverisë, ku një nga kërkesat kryesore të pjesëmarrësve mbetet dorëheqja e kryeministrit Edi Rama.