Kushtetuesja pranon pjesërisht kërkesën e Berishës për masën e sigurisë “detyrim paraqitje”

Gjykata Kushtetuese pranoi pjesërisht kërkesën e Kryetarit të Partisë Demokratike, Sali Berisha, lidhur me masën e sigurisë “Detyrim për paraqitje”.

Gjykata vendosi të pranojë pjesërisht kërkesën e Berishës, duke shfuqizuar vendimin e datës 22 prill 2025 të Kolegjit Penal të Gjykatës së Lartë, si të papajtueshëm me Kushtetutën dhe duke dërguar çështjen për rishqyrtim në Gjykatën e Lartë.

Berisha është duke u gjykuar në Gjykatën e Posaçme për çështjen e privatizimit të kompleksit Partizani. Ai akuzohet në cilësinë e ish-kryeministrit për “korrupsion”.