”Më pak makina, më shumë biçikleta”/ Rama ndan pamjet, të rinjtë u japin ujë policëve në Shkodër

Në mes të temperaturave të larta, disa të rinj në Shkodër kanë zgjedhur një mënyrë për të falënderuar efektivët e Policisë që qëndrojnë në terren për menaxhimin e trafikut dhe sigurinë e qytetarëve.

Ata u kanë shpërndarë policëve shishe me ujë, ndërsa përmes këtij gjesti kanë përcjellë edhe një mesazh për qytetarët: më pak makina dhe më shumë biçikleta, ecje në këmbë apo përdorim të transportit publik. Pamjet janë shpërndarë edhe nga kryeministri Edi Rama.

Sipas tyre, një zgjedhje e tillë do të ndihmonte në uljen e trafikut dhe ndotjes në Shkodër, si dhe do të kursente shpenzimet për karburant. “Është një gjest i vogël nga ana jonë, por edhe një shembull sesi ne si rini mund të japim kontributin tonë”, u shpreh një prej të rinjve.