Shkolla e Mesme e Bashkuar në Lapardha të Beratit ka përfunduar, ndërsa tashmë po punohet për plotësimin e saj me një terren të ri sportiv. Lajmin e ka bërë të ditur kryeministri Edi Rama, i cili përmes një postimi në rrjetet sociale ka ndarë pamje nga investimi. Terreni i ri do t’u mundësojë nxënësve të zhvillojnë aktivitete sportive në fushat e basketbollit dhe volejbollit.
Sipas Ramës, hapësirat e reja nuk do të shërbejnë vetëm gjatë orarit mësimor, por do t’u krijojnë fëmijëve mundësi për të qëndruar dhe zhvilluar aktivitete edhe pas përfundimit të mësimit.
”Shkolla e Mesme e Bashkuar në Lapardha të Beratit ka përfunduar, tani po plotësohet edhe me terrenin e ri sportiv, ku nxënësit do të kenë fushën e tyre për basketboll dhe volejboll, duke siguruar edhe hapësira përtej orarit mësimor ku fëmijët rriten, bashkëpunojnë, garojnë dhe argëtohen”,-shkruan Rama.
