Drafti i ri për reformën territoriale pritet të kalojë për votim në seancën plenare të së enjtes, por brenda PS-së janë shfaqur zëra kundërshtues.
Gjatë mbledhjes së grupit parlamentar të PS-së, deputetët Vullnet Sina dhe Erion Braçe kanë shprehur rezerva për ndarjen e re territoriale, duke vënë në pikëpyetje efikasitetin e reformës së propozuar.
Drafti i PS-së parashikon shkrirjen e 15 bashkive, duke sjellë ndryshime në hartën aktuale të pushtetit vendor. Nisma është duke u shqyrtuar në Komisionin e Ligjeve, përpara se të shkojë për votim në Kuvend.
Qëndrimi i dy deputetëve socialistë pritet të sjellë diskutime të mëtejshme brenda mazhorancës për mënyrën se si do të zbatohet ndarja e re territoriale dhe efektet që ajo mund të ketë në administrimin vendor.