Rama: Ndaj ish-zëvendëskryeministres nuk ka asnjë akuzë për vjedhje a korrupsion, vetëm disa mesazhe

Kryeministri Edi Rama ka folur në mbledhjen e grupit parlamentar të PS lidhur me çështjen nga ish-zëvendëskryeministres Belinda Balluku.

“Sot jemi këtu që të shpallim publikisht qëndrimin tonë në lidhje me kërkesën e SPAK për autorizim kufizimi lirie të Belinda Ballukut.

Ndaj saj është ngritur një akuzë jo për vjedhje, jo për korrupsion apo gjësendi tjetër të lidhur me ndonjë skenë krimi apo flagrancë në kryerjen e një vepre penale, por vetëm për dyshimin e arsyeshëm se në cilësinë e ish-ministres, ka kryer veprën e mosbarazisë në tendera nga mesazhe të gjetura 6 vite më pas në celularin e një drejtori.

Nuk ka ndodhur kurrë një budallallëk i kësaj natyre”, u shpreh Rama.