Rama poston pamjet nga Kantina “Pupa”: Agroturizmi që tërheq turistë në Berat

Kryeministri Edi Rama ka ndarë pamje nga Kantina e Verës “Pupa” në Fushë Peshtan të Beratit, duke vënë në fokus zhvillimin e agroturizmit dhe turizmit rural në vend.

Rama shkruan se turistë vendas dhe të huaj po zgjedhin kantinën për të zbuluar vreshtat, verërat cilësore dhe traditat e zonës.

“Turistë vendas dhe të huaj zgjedhin të vizitojnë Kantinën e Verës “Pupa” në Fushë Peshtan të Beratit, për të zbuluar nga afër vreshtat, verërat cilësore dhe traditat e zonës. Kantina shtrihet mes 30 hektarë me vreshta, ofron degustime dhe akomodim për vizitorët, duke e bërë atë një destinacion të veçantë agroturistik”,-shkruan Rama.

Kantina shtrihet mes rreth 30 hektarësh me vreshta dhe ofron degustime të verës, si edhe akomodim për vizitorët, duke u kthyer në një nga destinacionet e agroturizmit në zonën e Beratit.