VIDEO/ Zona tek Kryeministria mbulohet nga gazi lotsjellës, protestuesit përgjigjen me gurë

Pas trazirave nëpër Tiranë, tani protestuesit janë për herë të tretë përballë Kryeministrisë, aty ku ka tensione, pasi policia ka ndërhyrë duke arrestuar dhe shoqëruar me forcë disa prej protestuesve. Sipas raportimeve nga protesta, efektivët kanë tërhequr zvarrë disa të rinj në Bulevardin përballë godinës së Kryeministrisë. Mes personave të shoqëruar me forcë raportohet se ka edhe vajza. Reagimi studentor këtë të enjte nuk është kufizuar në Tiranë. Tubime dhe protesta janë zhvilluar edhe në qytete të tjera të vendit, përfshirë Vlorën, Durrësin, Korçën dhe Shkodrën. Situata në Bulevardin përballë Kryeministrisë mbetet në fokus.