Liverpooli humbje dramatike me 9 lojtarë ndaj Tottenhamit, vendos autogoli i Matip (VIDEO)

Sporti E Shtunë, 30 Shtator 2023 20:50

LONDON, ENGLAND - SEPTEMBER 30: Joel Matip of Liverpool scores an own goal during the Premier League match between Tottenham Hotspur and Liverpool FC at Tottenham Hotspur Stadium on September 30, 2023 in London, England. (Photo by Marc Atkins/Getty Images)

Liverpooli shpërdoron mundësinë për t’i marrë kryesimin e Premier Leagues Manchester City-t. “The Reds” pësuan disfatën e parë sezonale 2-1 në fushën e Tottenhamit në një sfidë të cilën e mbyllën me dy lojtarë më pak, pasi Curtis Jones dhe Digo Jota u ndëshkuan më kartonë të kuq.

Skuadra e Jurgen Klopp e nisi mirë takimin, me disa raste për shënim, por ndeshja mori tjetër rrjedhë kur Jones u ndëshkua me karton të kuq.

Tottenhami e zhbllokoi takimin me Son, por në kohën shtesë të pjesës së parë barazoi Gakpo. Diogo Jota la me 9 lojtarë Liverpoolin me një tjetër karton të kuq, ndërkohë që në kohën shtesë, Tottenham gjeti golin e dytë falë një autogoli të Matip.