Furra e bukës ngjitur me rrënojat, Mireli: Kjo punë është mision

Mirel Muka e ka furrën e bukës ngjitur me ish-hotel Tropikal në Durrës dhe nuk e ka mbyllur atë për asnjë moment. Pas tërmetit ai u ka thënë punëtorëve të largohen pasi njëri nga punëtorët Esat Dragoi rrezikoi jetën. “Kjo punë është mision dhe ato ditë duhet të bëja të pamundurën. Pamë tmerrin ato ditë e përjetuam keq megjithëse bëra të fortin. I largova punonjësit dhe i ndihmova aq sa munda ata që kishin nevojë , kush nuk mundej u jepja dhe pa lekë bukët. Unë kam jetuar 18 vjet në Zakynthos dhe atje tërmetet janë të shpeshta, po nuk pasur ndonjëherë dëmtime si këtu”.