Intervistë me një nga të vaksinuarat në Itali: Është e rëndësishme të mos heqim dorë nga vaksina
“Vaksina është një zgjedhje dashurie, altruiste dhe e sigurt”, ka deklaruar Maria Rosaria Capobianchi, me profesionin kërkuese shkencore e një nga pesë personat e parë që mëngjesin e sotëm mori dozën e vaksinës Pfizer Biotech në Institutin e Sëmundjeve Infektive Spallanzani në Romë.
Prej vitit 2000 ajo është Drejtoreshë e Laboratorit të Virologjisë dhe Drejtuese e Departamentit të Epidemiologjisë e Studimit Paraklinik e Diagnostikës së Avancuar të Institutit Kombëtar të Sëmundjeve Infektive Spallanzani në Romë.
Ajo është një nga ekspertet më të mira botërore që së bashku me ekipin e saj, më 2 shkurt të 2020,mundën të izolojnë e morën në studim virusin Sars-CoV-2 si përgjegjës të pandemisë që po përfshinte botën.
Menjëherë pas marrjes së vaksinës ajo thotë se “do të merrte vaksinën dhe nëse nuk do të ishte futur në listën e personave të parë për kryerjen e saj. Edhe e fundit po të isha nuk do të tërhiqesha pas, thotë ajo. Është e rëndësishme të mos heqim dorë nga kjo zgjedhje që është e sigurt, altruiste e një zgjedhje dashurie për të afërmit tanë e për komunitetin.”
“Vaksina Pfizer Biotech, tha ajo, ka kryer me sukses të gjitha fazat e eksperimentimit e është një instrument që ofron avantazhe të sigurta për shëndetin tonë”
Profesoresha Maria Rosaria Capobianchi, është anëtare dhe e ” ËHO collaborating center for the for clinical care, diagnosis, response and training on Highly Infectious Diseases”.
Me ekipin e saj mjekësor, Profesoresha Capobiancho kontribuoj në gjetjen e kurave e terapive më të përshtatshme e efikase për shërimin nga Covid 19 të personave të infektuar në Itali.
