Klesta Qehaja përfaqëson Shqipërinë në “Junior Eurovision”

Klesta Qehaja është vogëlushja e talentuar e cila do të përfaqësojë Shqipërinë në “Junior Eurovision” me këngën “Besoj” në 20 nëntor në Maltë.

Ajo është përzgjedhur nga një juri e cila përfshinte Mishela Rapon, vajzën që përfaqësoi vendin tonë në edicionin e vitit të kaluar.

Shqipëria ka marrë pjesë për herë të parë në kompeticion në vitin 2012. Vitin e kaluar, “Junior Eurovision” u zhvillua në Sofie, Bullgari ku Mishela Rrapo rrëmbeu vendin e pestë me këngën “Dambaje”.