Muzeu Historik Kombëtar feston 35 vjetorin e hapjes për publikun

Muzeu Historik Kombëtar festoi 35 vjetorin e inagurimit të godinës së tij dhe hapjen për publikun e gjerë. Ky përvjetor solli për publikun ekspozitën “Retro” me skicat e projekteve të ndërtimit të secilit prej pavijoneve të Muzeut, të pa demostruara më pare. Në kuadër të këtij përvjetori dhe Muzeu Historik nënshkoi marrëveshjen e bashkëpunimit me Institutin e nxënësve që nuk shikojnë “Ramazan Kabashi”.

Në 35 vjetorin e inagurimit, Muzeu Historik Kombëtar ekspozoi për herë të parë skicat mbi të cilat është ndërtuar.

Dhe në kuadër të këtij përvjetori, Muzeu Historik Kombëtar nënshkoi marrëveshjen e bashkëpunimit me Institutin e nxënësve që nuk shikojnë “Ramazan Kabashi”, për të çuar historinë edhe tek ata më aftësi të kufizuara.

Melsi Labi: Lidhim një marrëveshje me institutin e të verbërve “Ramazan Kabashi” për një bashkëpunim më të frytshëm dhe më të thellë mes Muzeut dhe këtij instituti në programet tona të përbashkëta. Qëllimi ynë është ta bëjmë të vizitueshëm edhe për shtresat e marxhinalizuara, të cilat sot gjenden për shkak të disa kushteve jashtë godinave të edukimit.

Nxënësve me aftësi të kufizuara në shikim, vizitorët specialë në ditëlindjen e Muzeut, iu krijua mundësia të prekin objektet origjinale të ekspozuara në pavionët e Muzeut.

Muzeu Historik është më i madhi në Shqipëri me rreth 5000 objekte dhe 8 pavione.