Perandori romak, pas 500 vitesh ribashkohet me gishtin e humbur (FOTO)

Dora prej bronzi, e një shtatoreje gjigante që portretizon Perandorin Romak, Konstandinin e Madh, është sërish e plotë pas 500 vitesh, pasi një prej gishtave kishte humbur.

Pjesë të shtatoresh 11 metra të lartë ruheshin në “Musei Capotolini” në Romë. Edhe pjesë të tjera të saj janë dëmtuar përgjatë viteve, ndërsa gishti u rikthye pasi u gjet në muzeun e “Luvrit” në Paris. Ai ndodhej atje që prej vitit 1913, por studiuesit e kishin etiketuar si “gisht këmbe” dhe jo “gisht dore”.

Pas një sërë testimesh në vitin 2018 u konfirmua që ishte gishti i shtatores së Perandorit me origjinë ilire dhe të mërkurën, gishti iu bashkua pjesës tjetër të shtatores.