“Pikturat e Adolf Hitlerit” në ankand, sekuestrohen nga policia pasi dyshohen për falsifikim

Një prokuror publik në Nuremberg, Gjermani, ka konfiskuar 63 vepra të pikturuara “gjoja” nga Adolf Hitler.

Njëzet e tre prej tyre – të nënshkruara ose A. Hitler ose A.H dhe që do të dilnin në ankand të shtunën – u konfiskuan nga autoritetet që dyshojnë në origjinalitetin e tyre.

Një zëdhënëse e zyrës së prokurorisë tha se po heton individë të paidentifikuar për falsifikim.

Shtëpia e ankandit nuk është pjesë e hetimit, shtoi ajo.

Pikturat me bojëra uji u vendosën që të shiteshin në shtëpinë e ankandit Weidler së bashku me orenditë e tjera që i përkisnin diktatorit nazist.

Një gazetë vendase tha se një nga pikturat me bojëra uji kishte një çmim fillestar prej € 30,000.

Pikturat u sekuestruar pasi dyshoheshin për falsifikim, tha policia.

Hitleri pikturonte kartolina dhe piktura në rrugët e Vjenës në vitet e tij të para.

Në Gjermani, është e ligjshme të shiten piktura nga Hitleri për sa kohë që nuk kanë simbolet naziste mbi to.