Tenori i njohur Agim Hushi rrëfen mashtrimin e Ramës, me ‘Koncertin e Vienës’ në Tiranë

Edhe tenori i njohur shqiptar Agim Hushi, ka demaskuar sot shoun e rradhës së kryeministrit Edi Rama me të ashtuquajturin “Koncert të Vienës” në Tiranë. Në një postim në faqen e tij në facebook, ai tregon të vërtetën e këtij eventi dhe pse mashtron kryeministri Rama.

Edhe pse tashmë është mësuar se bëhet fjalë për vetëm 4 artisë nga Ballkani që do të luajnë, kryeministri vazhdon të këmbëngul se bëhet fjalë për orkestrën e Vienës, të cilën ai ka bërë të mundur ta sjellë në Tiranë!

Postimi i plotë i tenorit Agim Hushi:

Te dashur miq qe me keni shkruar ne inbox dhe me kini kërkuar t’ju ndihmoj për bileta për koncertin e mikut tim, violinistit Shkëlzen DOLI.

Ju sqaroj së pari se mënyra se si po reklamohet ky koncert për arsye të ndryshme, përfshirë ato partiake, nuk është as e vërtet, as profesionale.

Për këtë nuk mund të gjykohet miku im i mirë dhe violinisti i mrekullueshëm Shkëlzen Doli.

NUK PO VJEN FILARMONIA E VIENES NJE DIT PAS KONCERTIT TRADICIONAL TE FAMSHEM NE VIENE, ME 1 JANAR, POR NJE ANSAMBEL ME 5 VETE NGA VIENA, ME INSTRUMENTISTE ME ORIGJINE NGA VENDE BALLKANIKE, PJESE E TE CILIT ESHTE DHE SHKELZENI.

Këtë njoftim e bëj për të sqaruar miqtë e mi këtu në Tiranë dhe për ti thënë politikës mos beje shoun e radhës me talentin e Shkëlzen Dolit, talenti i të cilit ia vlen të dëgjohet edhe i vetëm në skenë, dhe që do mbushte sallën edhe pa ndihmën e Partisë.