4 zëvendësministra ende nuk janë emëruar

Në mbledhjen e datës 9 tetor Këshilli i Ministrave ka emëruar 29 zëvendësministrat e rinj, megjithëse në Asamblenë e Partisë Socialiste u njoftua se do të ishin 33 zëvendësministra.

Zyrtarisht nuk janë emëruar ende katër zëvendësministrat nga Kosova. Përkatësisht mungon VKM për zëvendësministren e Kulturës Valbona Shujaku, zëvendësministren e Arsimit Besa Shahini, zëvendësministren e Shëndetësisë Ilirjana Bajraktari dhe zëvendësministrin e Turizmit dhe Mjedisit Harulla Çeku.

Para dy ditësh Ministri Blendi Klosi publikoi një fotografi ku falenderonte dy zëvendësministrat e rinj, Ornela Çuçi dhe Hajrulla Çeku që kishin pranuar ftesën për të qenë pjesë e kësaj ministrie, megjithëse ky i fundit nuk është mandatuar. Ndërkohë ende nuk ka një shpjegim lidhur me këtë çështje.