Ambasada Amerikane i përgjigjet Sali Berishës: Për asnjë nuk është kthyer vendimi “non grata”!

Ambasada Amerikane në Tiranë ka publikuar shifrat e personave të shpallur non grata nga SHBA dhe thotë se për asnjë nuk është kthyer mbrapsht ky vendim, duke i kthyer përgjigje edhe Sali Berishës se nuk falet më.

Ish-kryeministri Berisha kërkoi në Kuvendin e 11 dhjetorit që DASH të rishikojë vendimin për shpalljen e tij “non grata”, ndërsa sot ambasada e SHBA nxjerr tabelën me numrin e të shpallurve “non grata”, duke u shprehur se për asnjërin prej tyre nuk është kthyer mbrapsht vendimi.

Teksa thekson se numri i personave të shpallur “non grata” nga Uashingtoni është mbi 200, ambasada amerikane shton se ka zero kërkesa faljeje për personat e shpallur “non grata” për korrupsion domethënës.