Ambasadori i Gjeorgjisë i dorëzon letrat kredenciale Presidentit Meta

Presidenti Ilir Meta ka pranuar sot letrat kredenciale nga Ambasadori i ri i Gjeorgjisë, George Janjghava.

Meta vlerësoi marrëdhëniet miqësore midis dy vendeve dhe nënvizoi nevojën e konkretizimit dhe intensifikimit të tyre në të gjitha nivelet dhe fushat me interes të ndërsjellë.

Presidenti nënvizoi interesin për të nxitur në mënyrë të veçantë bashkëpunimin në fushën e turizmit dhe të shkëmbimeve kulturore.

Duke u ndalur në çështjet e sigurisë, Meta shprehu mbështetjen për integritetin territorial dhe sovranitetin e Gjeorgjisë dhe vlerësoi kontributin e saj në kuadër të operacioneve dhe misioneve të NATO-s, si dhe përparimin në kuadër të bashkëpunimit me Aleancën.