Artan Fuga analizon situatën në PD: Të shtunën mund të ketë konflikt

Akademiku Artan Fuga ka analizuar situatën e brendshme në Partinë Demokratike, në prag të Kuvendit Kombëtar të thirrur prej Lulzim Bashës dhe referendumit të thirrur nga Sali Berisha.

Fuga u shpreh në News24 se situata është shumë delikate dhe mund të ketë përplasje mes dy grupeve të Bashës dhe Berishës.

“Jemi në një gjendje kontradiktore dhe kriza është se askush s’mund të dalë përtej që ta zgjidhë. Këto quhen situata të këqija pasi në gjendjen e sotme nuk kanë dot një zgjidhje. Zoti Berisha loz me kartën e demokratizimit përmes votës së militantëve, ndërsa Basha loz letrën e mbështetjes amerikane. Mirëpo Kuvendi i Bashës të shtunën dhe referendumi i Berishës  po të njëjtën ditë, mund të sjellin konflikte që duhet të evitoheshin me çdo kusht“, tha Fuga.