Basha në Kuvend: Po e vendosni buxhetin e shtetit në funksion të klientëve të qeverisë, jo të qytetarëve

Kreu i PD, Lulzim Basha, ka folur në Kuvend për buxhetin i vitit 2022, që prezantohet sot në seancën plenare. Basha tha se ky është një buxhet i vendosur nga qeveria në funksion të klientëve të saj e jo të qytetarëve.

“Nuk duhet të jesh ekonomist, apo ekspert financash, që të kuptosh se si në traditën tuaj më të keqe, këmbëngulni në mënyrë tinëzare ta vendosni buxhetin e shtetit në funksion të klientëve të qeverisë,
Nëpërmjet PPPve, që përsëri bëjnë motin e mirë e të keq në ekonominë shqiptare, ndërkohë gjithcka tjetër është një përpjekje për të gënjyer me indeksime vrapin e pandalshëm të çmimeve.

E ndërkohë, për këtë valë të madhe të njerëzve të zhytur në varfëri dy vitet e fundit, që i shtohet atyre që nuk e kanë kërkuar shpëtimin nga mjerimi npërmjet largimit nga vendi, nuk ka asnjë plan nga ju.
Pasi deri më tani plani kryesor që keni bërë të ditur është hapja e thesit për të dyshuarit e zakonshëm, oborrtarët e koncesioneve”, tha Basha.