Basha: Protestat do të vazhdojnë dhe do të fuqizohen nga dita në ditë

Kryetari i PD, Lulzim Basha, pas takimit me Kolegjin e Kryetarëve të PD, deklaroi se protestat e opozitës do të vijojnë çdo ditë dhe çdo javë deri në arritjen e objektivave të opozitës.

“Do t’ju informojmë për çdo datë dhe për çdo zhvillim. Vendimi I kryesisë është në fuqi, këto janë takime organizative. Protestat do të vazhdojnë dhe do të fuqizohen nga dita në ditë, nga java në javë, deri sa të realizojmë atë që do çdo shqiptar. Zgjedhje të lira e të ndershme, një qeveri nga populli, për popullin dhe të popullit”,- deklaroi kreu i PD-së, Lulzim Basha.