Berisha paralajmëron Ramën: Hiq dorë nga projekti për portin e ri të Durrësit!

Kryetari i Partisë Demokratike, Sali Berisha në një deklaratë për mediat ka lëshuar akuza në drejtim të qeverisë për portin e ri të Durrësit.

Berisha pohoi se me koston e fryrë të këtij porti të ri që do të duhet një dekadë për ta përfunduar, do të sjellë rritje të kostos së transportit të mallrave.

“Dëmi i është i pallogaritshëm, pasi me këtë lëvizje taksapaguesi shqiptar gjobitet me 1 mld euro. Sipas Edi Ramës, do të përdoren për ndërtimin e portit të ri në Porto Romano. Po të kemi parasysh se ky ndërtim kërkon 1 dekadë për t’u kompeltuar, po të kemi parasysh spostimin e portit të Vlorës, kostoja e transportit të mallrave nga Tivari i Malit të Zi, rritet në mënyrë të ndjeshme. Gjobë e re për taksapaguesit shqiptarë. Denoncoj këtë aferë korruptive të përmasave të parapara. I kërkoj Edi Ramës që të heqë dorë nga përpjekjet për ndërtimin e Dubait të familjes së tij në Durrës“, tha Berisha në një deklaratë për mediat.