Berisha nuk mbështet direkt idenë e Metës për Qeveri Teknike

Ish kryeministri Sali Berisha u pyet sot për deklaratën e kreut të Partisë së Lirisë, Ilir Meta i cili tha se në shtator do të nisin përgatitjet për qeveri teknike.

“Nuk kemi diskutuar, por teza jonë është kjo: Që Edi Rama duhet të largohet një ditë e më parë. Pas largimit të kësaj qeverie, natyrisht detyra më themelore është përgatitja e zgjedhjeve të lira dhe të ndershme.

A do ngarkohet një qeveri teknike apo si do quhet ajo, apo “ad hoc” për të përgatitur zgjedhjet është diçka që do vendosin forcat politike por largimi i Ramës është absolut“, tha Berisha ditën e sotme në një dalje për mediat.

Ndërkohë Ilir Meta deklaroi dje se do të bënte në shtator Qeveri Teknike. Por si dhe me çfarē mënyre ai nuk e tha. Sot Berisha tha se duhet të largojmë Ramën nga qeveria duke mos e precizuar Qeverinë Teknike.