Kryetari i Partisë Demokratike, Sali Berisha, ishte në një takimin elektoral në njësinë nr.15, teksa ka prezantuar edhe programin për fshatin.
Me reformën territoriale, Rama i dha një goditje qeverisjes së qytetarëve, e cila kishte misione të rëndsishme për zhvillimin e zonave rurale. Gjatë viteve 2005-2013 ne kishim një raport me komunat e vendit: bëni ju projektet, ne t’ju financojmë! Dhe funksionoi.
Qeveritë vendore projektonin rrugët dhe objektet dhe ne financonim. 2/3 e investimeve janë bërë në fshat. Fshati ishte mesjetë, prandaj ndërhymë. Ne investuam më shumë në fshat se në rrugë kombëtare.
Ne kishim një filozofi, fshatari duhet të gëzojë të njëjtën infrasturuë si qyteti. Ndërtuam 8300 km rrugë, 800 e ca shkolla, rreth 500 qendra shëndetësore në zonat rurale. Fshatarit i mbetet barra e madhe e punës në bujqësi, prandaj vendosëm sistem subvencionesh.
Të gjitha u hoqën nga sistemi aktual. Të gjithë thonë nuk është ndërtuar më rrugë, përjashtim total i ka bërë fshatit. Ndërkohë që taksën e paguani njësoj.
Programi ynë është paratë te qytetari. Ju garantoj se projekti ynë për fshatin do të vazhdojë me intensitet të madh. E fillojmë të zemra e dhimbsur, ata që janë janë në varfëri ekstreme. Do marrë minimumi jetik, 200 euro për frymë.
Edhe pensioni 200 euro, do t’i realizojmë në tre muajt e parë të qeberisje. Karta e konsumatorit gjithashtu do jetë për ju, që të marrë mbrapsht tvsh-në” – u shpreh Berisha.