Kreu i PD-së, Sali Berisha, ka deklaruar ditën e sotme se Partia Demokratike do të çojë në Kuvend ligjin që njeh vetëm dy gjini në Shqipëri.
“Ne kemi përgatitur një ligj në kuadrin e desorosizimit që dorëzojmë sot, me të cilin sanksionojmë se Republika e Shqipërisë njeh dy gjini, ato që i ka bërë Zoti, mashkull dhe femër. Në mënyrë që t’i japim fund çdo lloj tentative dhe përpjekje.
Ligji tjetër me dënim, ai që flet për Prindin 1 dhe Prindin 2. Do ketë sanksione.
Këto janë vetëm fillimet, këta e kanë shtrirë në shkolla, e kanë shtrirë në falsifikimin e historisë. Është bërë një rrymë e veçantë jo vetëm në media, por është degëzuar në shumë drejtime.
Lufta me këtë kulturë do jetë një betejë pa kompromis e jona.
Është beteja për të vërtetën. Ne nuk kërkojmë asnjë deformim. Gjërat siç janë”, tha Berisha.