Kryetari i Partisë Demokratike, Sali Berisha, zhvilloi një takim me personat me aftësi ndryshe, ku prezantoi programin elektoral për ta.
Berisha premtoi se për çdo qytetar me aftësi ndryshe që është kryefamiljar, familjarët e tij do të trajtohen me minimumin jetik, pasi opozita të vijë në pushtet.
“Nuk do të ketë më pension nën 200 euro. Për ju, ky minimum jetik do të kalohet në bazë të shkallës së aftësisë së kufizuar. Çdo person me aftësi ndryshe që është kryefamiljar, do të ketë mbështetje edhe për familjarët e tij,” u shpreh Berisha.
“Do të bëjmë gjithçka për rehabilitimin. Do të realizojmë investimet më serioze në këtë fushë, për t’u siguruar të gjithë qytetarëve me aftësi ndryshe mundësinë për të zhvilluar dhe përmirësuar aftësitë e tyre”, shtoi më tej Berisha.