Çahet diga e urës së Mifolit, prefekti Mamaj: Situatë kritike

Dalja nga shtrati i lumit Vjosa, për pasojë në Novoselë janë përmbytur 7 banesa, ku 4 banesa të tjera janë përmbytur në Fitore. Prefekti i Vlorës, Flamur Mamaj bëri me dije se banorët e shtëpive janë evakuuar nga zona, ndërsa situata është alarmante.

Në Selenicë, në zonën e quajtur “Bishti i Malit”, ka prezencë të ujit në rrugë. Ura e Mesaplikut është e dëmtuar dhe si rrjedhojë banorët e zonës kanë betur të izoluar.

Diga e urës së Mifolit në Fitore është çarë dhe uji po rrjedh në pjesën e poshtme të saj, duke rrezikuar edhe banesat pranë bregut të lumit.