Deputetët e Komisionit të Themelimit shkojnë te zyrat e PD: Më 8 dhjetor do t’i nxjerrim jashtë!

Një grup deputetësh, anëtarë të Komisionit të Rithemelimit të PD-së, përkrahës të Sali Berishës kanë shkuar këtë të enjte për të dytën ditë me radhë në selinë së PD-së.

Aldo Bumçi dhe Gent Strazimiri kanë trokitur në derën kryesore të PD, e cila nuk është hapur. Më pas ata kanë dhënë një deklaratë për mediat.

Edhe sot, sikurse të mërkurën, mungon lideri historik i PD-së, Sali Berisha.

“Një parti që nuk ka qenë e mbyllur në këto 30 vite asnjëherë, ka qenë një derë e hapur përherë. Çdo parti në Shqipëri i ka dyert e hapura. Për herë të parë në 30 vite Basha ka mbyllur dyert. Kujt i shërben kjo? Nuk i shërben askujt tjetër, përveçse Lulzim Bashës, që të mbajë karrigen e tij, dhe Edi Ramës. Një opozitë që është izoluar nga demokratët, shoqëria, i shërben qeverisë. Ky turp, kjo shëmti, është kriminale. Projekt për të zhdukur opozitën. Por opozita është gjallë. Opozita është në këmbë”, tha Bumçi.

Ndërsa Strazimiri tha se më 8 janar kur është thirrur edhe protesta kombëtare nga Sali Berisha, janë 44 mijë persona që do kërkojnë të hyjnë në selinë e demokratëve.

“Janë 44 mijë veta që do të kërkojnë të hyjnë në seli në datën 8 janar, këta tani po bëjnë 44 mijë autorizime gati në rastin më të mirë që ti thonë këtij a do futen apo jo?  Më datën 8 do marrin xhevapin, kjo është shtëpia e demokratëve. Kjo godinë dhe ky oborr nuk mund të rrinë të zbrazëta”, tha Strazimiri.