Deputetet e PS, deklaratë të përbashkët për Klodiana Lalën

Deputetet e grupit parlamentar të Partisë Socialiste në një deklaratë të përbashkët kanë dënuar sot sulmin ndaj gazetares Klodiana Lala.

“Është e patolerueshme dhe e pafalshme që jo vetëm sulmohet një gazetare, por dhuna drejtohet edhe karshi familjarëve. Sulmohet një grua e cila nuk ka bërë gjë tjetër veçse ka ushtruar me profesionalizëm e ndershmëri misionin e gazetares. Sulmohet një nënë. Sulmohet liria e fjalës dhe e shprehjes. Ne, deputetet e Partisë Socialiste nuk e pranojmë dhunën dhe nuk heshtim ndaj akteve të tilla kaq të rënda.

Ne, deputetet e Partisë Socialiste kemi bindjen që krimi nuk mund të mbulojë të vërtetën, nuk mund të friksojë, kërcënojë apo lëndojë gazetarët dhe për më tepër një gazetare grua që raporton për të vërtetën. Dhuna nuk mund të ndalojë guximin e një gruaje të bëjë me profesionalizëm punën e saj”, thuhet ndër të tjera në reagimin e PS.

• Presidenti Meta telefonon Drejtorin e Policisë
• OSBE: Dhuna, shenjë negative për lirinë e shoqërisë
• Artan Hoxha: Krimi i lidhur me politikën është bërë më i fortë se kurrë
• Gazetarja Klodiana Lala: Po pres të flasin institucionet
• Berisha: Nga familjet mafioze të lidhura me qeverinë
• Vasili: Ditë e keqe për lirinë e gjithsecilit nga ne
• Unioni i Gazetarëve: Policia të gjejë autorët e sulmit
• Pamje nga sulmi me armë në banesën e prindërve të gazetares
• Sulmi ndaj gazetares Klodiana Lala, PD: Akt Mafioz
• Agron Duka: Gjest mafioz, këtë hov ka marrë krimi në vend
• Kërcënimi i gazetares, kolegët: Shteti në dorën e krimit
• Fuga: Klodiana falënderon qeverinë për gadishmërinë, Basha akuzon Ramën?!