Deputeti shqiptar: S’e mendoja kurrë që do të dashurohesha me dikë që njoha në ‘FB’

Deputeti Kujtim Gjuzi ka futur në dyshime të gjithë audiencën e tij me postimet e fundit në rrjetet sociale. Kryetari i Partisë Konservatore ka publikuar një foto, teksa mbi të shkruan fjalë zemre, që hapur tingëllojnë si deklaratë dashurie.

“Nuk e mendoja kurrë që do të doja kaq shumë dikë që njoha në Facebook,”- shkruhet në foton e publikuar nga vetë deputeti. E siç duket Gjuzi nuk ka pasur ç’të shtojë dhe krahas fotos ka vendosur thjesht fjalët: Pa koment!

I mbetur pa fjalë ashtu si edhe gjithë audienca, që e njeh tashmë për batutat e tij në Kuvend, Gjuzi sjell shumë dyshime.

Kryetari i Partisë Konservatore ka vetëm pak kohë që është ndarë nga gruaja. Në një bisedë telefonike për Dosja.al, para disa muajsh, Kujtim Gjuzi foli dhe për konfliktin në familje që solli këtë ndarje, teksa shpjegoi se kërkesa e gruas për t’u ndarë ka ardhur pas një zënke që ka pasur vetë deputeti me kunatën./express/