Deputetja greke: Shqipëria po u prish banesat minoritarëve. Fleskenstein: Keni probleme me shumë vende

Parlamenti Europian është përshirë në debate pasditen e sotme teksa diskutohej çelja e negociatave me Shqipërinë.

Një eurodeputete greke ka ngritur pretendimin se 19 familjeve minoritare Shqipëria u ka dhënë vetëm 5 ditë kohë për të lënë banesat pa leje që më pas do të prisheshin.

“Shqipëria ka detyrim të ketë marrëdhënie të mira me fqinjët”, tha ajo.

Ndërkohë, Knut Fleckensten ka kërkuar hapjen e negociatave me Shqipërinë, duke i vënë si kriter zbatimin e reformave.

“Kolegët grekë shpesh pretendojnë probleme me shumë vende”,- ka thënë Fleckenstein, duke pasur parasysh pretendimet e Athinës sa i përket Turqisë, Maqedonisë dhe Shqipërisë.