Doli kundër SHBA-së, por qeveria ”tërheq” hapin

Shqipëria votoi kundër në OKB për vendimin e presidentit të SHBA-ve, Donald Trump, për njohjen e Jeruzalemit si kryeqytet i Izraelit.

Ndërsa veprimi i fundit tregon se Shqipëria bën një hap pas. Mësohet se në mesin e 33 ambasadorëve, që do të jenë të pranishëm në inagurimin e ambasadës Amerikane në Jeruzalem, do të jetë edhe ambasadori shqiptar në Izrael, Bardhyl Canaj.

Sipas gazetës më të madhe izraelite “Times of Israel”, 33 ambasadorë dhe të ngarkuarit me punë, do të jenë pjesë e këtij inagurimi.

”Një numër vendesh nga Europa Lindore dhe Qendrore parashikohen të marrin pjesë: Shqipëria, Gjeorgjia, Ukraina, Çekia, Hungaria, Rumania dhe Serbia”, shkruan “Times of Israel”.

Në eventin e mbrëmjes së sotme do të jenë edhe kryeministri i Izraelit dhe delegacioni i lartë amerikan. Donald Trump nuk është vetë i pranishëm, por ka dërguar vajzën e tij, Ivanka Trump së bashku me bashkëshortin e saj.