`Doshi`, BE: Të bëhet hetim i plotë

Bashkimi Europian rifreskon qendrimin ndaj çështjes 'Doshi', duke theksuar si prioritetin kryesor zbatimin e plote dhe pa kompromis te ligjit. 

'I kemi ndjekur me vemendje zhvillimet e fundit persa i takon rastit te deputeteve Tom Doshi dhe Mark Frroku',- thote Brukseli. – Ajo çfare ne presim eshte nje proces i shpejte, teresor dhe i panderprere i cili te hedhe drite mbi keto ngjarje. Presim gjithashtu qe hetimet ne zhvillim dhe kerkesa e ekstradimit te kryhen pa vonesa e ne menyre sa me te plote'. 

Bashkimi Europian rithekson rendesine e faktit qe te gjitha institucionet e perfshira, Prokuroria e Përgjithshme, Parlamenti, institucionet gjyqesore dhe organizmat e zbatimit te ligjit, te permbushin pergjegjesite qe i takojne ne menyre qe te garantohet vijueshmeria e ketij procesi ne perputhje te plote me ligjin. / Top Channel