Edi Rama: Emrat që përfliten si kandidatë të mundshëm për President apo Presidente, thashetheme

Kryeministri Edi Rama, i pyetur nga mediat ditën e sotme, ka thënë se procesi i zgjedhjes së Presidentit ka nxitur maksimalisht thashethemet ku përfshihen gjithfarë emrash e njerëzish. Të tilla sipas tij janë edhe zërat për kandidaturën e Vali Bizhgës në Presidencë.

“Nëse do bënim një javë kulturore për thashethemet, Shqipëria do mbante flamurin e kryesuesit e aftësisë prodhuese.
E kam thënë që në fillim që procesi i zgjedhjes së presidentit, stimulon maksimalisht thashethemet e përfshihen gjithfarë emrash e njerëzish. Përgjigjja ime është negative, nuk ka asnjë të vërtetë në të”.