Edi Rama reagim për protestën e të rinjve të PD-së: Lexoni PISA 2015 !
Edi Rama shkruan sot pas protestës të rinjve të selisë blu: “Të rinjtë e nxitur nga partitë të protestojnë për arsimin të lexojnë rezultatet e Shqipërisë në programin PISA2015″.
Komisioni Evropian i ka dërguar një letër vlerësimi Ministrisë së Arsimit në Programin Ndërkombëtar për Vlerësimin e Njohurive të Nxënësve (PISA) për rezultatet e studimit të vitit 2015.
Kështu, bazuar në raportin e publikuar pardje të PISA-s, letra që mban firmën e përfaqësuese së Komisionit Evropian për Arsimin dhe Kulturën, Helene Skikos, vlerëson ministren Nikolla për punën që ka bërë në fushën e arsimit.
Letra vlerëson edhe punën e kryeministrit si edhe të reformave që janë ndërmarrë në fushën e arsimit, shkruan Panorama.al
“Jemi shumë të lumtur për mbështetjen që ministrja e Arsimit dhe kryeministri u kanë dhënë reformave në arsim në Shqipëri. Pranoni përgëzimet tona për rezultatet fantastike që 15-vjeçarët shqiptarë arritën në PISA 2015. Urime dhe mos hiqni dorë. Reforma në edukim është një rrugë e gjatë”, shkruan letra e Helene Skikos.
Çështja e arsimit ka qenë temë e fjalimit që kreu i PD-së mbajti me të rinjtë në kuadër të 8 Dhjetori. Basha tha se situata më arsimin është më keq se më parë. Ai ju referua dhe raporteve ndërkombëtarë që sipas tij tregojnë problemet.Por Kryeministri Edi Rama ka reaguar edhe nda këtyre deklaratave. Në një postim në Facebook, Rama thotë se Basha pretendon se edhe raporti i PISA është përkthyer gabim.
