Edi Rama shkruan për çmimin e energjisë: Do ta mbrojmë, por pse mashtron opozita e rublave?!

Kryeministri Edi Rama ka hedhur poshtë lajmin se do të ketë rritje të çmimit të energjisë elektrike duke filluar nga data 1 nëntor.

Në një postim në Twitter, Rama shprehet se çmimi i energjisë do të mbrohet nga qeveria, ndërsa akuzon opozitën për sajimin e lajmeve të tilla.

“Opozita e Rublave e mediat e saj po u thonë sot shqiptarëve se Qeveria ka deklaruar rritjen e çmimit të energjisë në 1 nëntor! Një lajm dyfish i rremë: Kemi 14 muaj që themi çmimi do mbrohet siç po mbrohet dhe s’e kemi deklaruar kurrë diçka të tillë! Pse e bëjnë? #DavaRublash”, shkroi Rama.

Opozita e Rublave e mediat e saj po u thonë sot shqiptarëve se Qeveria ka deklaruar rritjen e çmimit të energjisë në 1 nëntor! Një lajm dyfish i rremë: Kemi 14 muaj që themi çmimi do mbrohet siç po mbrohet dhe s’e kemi deklaruar kurrë diçka të tillë! Pse e bëjnë? #DavaRublash

— Edi Rama (@ediramaal) October 30, 2022