Elisa Spiropali i përgjigjet Lulzim Bashës dhe sulmon Jorida Tabakun: Sikur ishte zgjedhur kryeprokurore e kombit!

Ministrja e Shtetit për marrëdhënien me parlamentin, Elisa Spiropali, në përgjigje të deklaratave të kreut të PD Lulzim Basha për çështjen e inceneratoreve, tha sot në Kuvend se komisioni hetimor parlamentar “duhet të ishte pagëzuar “komisioni i malit që polli disa miushë”.

Spiropali ka sulmuar dhe kryetaren e komisionit hetimor, Jorida Tabakun kur tha:

“Kryetarja që e nisi duke ngritur gishtin si hetuese e asaj kohe me një vetëkënaqësi në fytyrë sikur të ishte zgjedhur kryprokurore e kombit mbante kokën ulur e lexonte mesazhet që sa vinin e rralloheshin, dhjetë orë në një zbardhje jo se iu detyroheshim ju, por për publikun dhamë një shembull ushtrim demokracie”.